၁။ လူသုံးကုန်တွေက ထွက်တဲ့ အမှိုက်ရဲ့ သုံးပုံတစ်ပုံဟာ ကုန်ပစ္စည်းထုတ်ပိုးမှုက ထွက်လာတာပါ။

၂။ အမေရိကန်တွေသာ Handphone အလုံးပေါင်း သန်း ၁၀ဝ လောက်ကို ပြန် Recycle လုပ်နိုင်မယ်ဆိုရင် အိမ်ခြေ ၁ သိန်း ၉ သောင်း ၄ ထောင်ကို တစ်နှစ် မီးပေးနိုင်ပါတယ်။

၃။ Computer တွေမှာလည်း ရွှေပါပါတယ်။ Computer ပစ္စည်း အပိုင်းအစလေး ၁.၁ တန်မှာ ပါတဲ့ ရွှေဟာ မသန့်စင်ရသေးတဲ့ ရွှေရိုင်း ၁၇ တန်မှာ ပါတဲ့ ရွှေထက် ပိုပါတယ်။

၄။ Windows XP ကို Sleep လုပ်ဖို့ ရေးတဲ့ Code မှာပါတဲ့ အမှားအယွင်းတွေကြောင့် XP ထွက်ကတည်းက အခုအချိန်အထိ တစ်နှစ်ကို လျှပ်စစ်မီတာခ ဒေါ်လာ သန်း ၅၀ဝ၀ နီးပါး… ပိုကျသင့်နေပါတယ်။

၅။ Plug ကို ဖြုတ်ပစ်လိုက်ပါ။ အမေရိကန်မှာ ခလုပ်ပိတ်ထားပြီး ကြိုးမဖြုတ်တာကြောင့် တစ်နှစ်ကို ဒေါ်လာသန်း ၃ ထောင် ဖိုးလောက်ရှိတဲ့ လျှပ်စစ်တွေ ပြုန်းတီးနေပါတယ်။

၆။ အရင်တုန်းက (ခပ်ထူထူ) CRT Monitor တွေဟာ အဖြူရောင်ကို ပြဖို့ စွမ်းအင် ပိုလိုတယ်။ LCD Screen တွေကတော့ ပြောင်းပြန်ပါ။

၇။ လူသုံးကုန် ပစ္စည်း ၁ ကီလိုလောက် ထုတ်ဖို့… ထုတ်လုပ်သူတွေဟာ ၅ ကီလို လောက်ရှိတဲ့ အမှိုက်တွေကို ဖန်တီးလေ့ရှိတယ်။

၈။ HDTV ဝယ်ဖို့ စဉ်းစားနေပါသလား။ Plasma TV တွေဟာ LCD TV တွေထက် စွမ်းအင် ပိုစွဲပါတယ်။ အပူစွမ်းအင်အနေနဲ့ ဖြုန်းတီးပစ်ခြင်း တမျိုးပါ။

၉။ လူအများ ယုံကြည်ထင်မှတ်ထားသလို… Screen Saver တွေဟာ လျှပ်စစ်စွမ်းအားကို ချွေတာပေးတယ် ဆိုတာ မဟုတ်ပါဘူး။

၁၀။ Desktop PC နဲ့ Monitor တစ်လုံး လုပ်ဖို့အတွက် ရုပ်ကြွင်းလောင်စာ ပေါင် ၅၃၀၊ ဓာတုဗေဒပစ္စည်း ၅၈ ပေါင်နဲ့ ရေ ၁ တန်ခွဲ လိုပါတယ်။

၁၁။ တချို့ LCD တွေဟာ Glass မသုံးပဲ Plastic သုံးပါတယ်။ Glass က Recycling လုပ်ရတာ ပိုလွယ်ပါတယ်။

၁၂။ အမေရိကန် လုပ်သားပြည်သူအပေါင်းသာ တစ်ပတ်မှာ တစ်ရက် အိမ်ကနေ အလုပ်လုပ်မယ်ဆိုရင်… တစ်နှစ်ကို လောင်စာဆီ ဂါလံသန်းပေါင်း ၅၈၅၀ ချွေတာနိုင်ပါလိမ့်မယ်။

၁၃။ CRT Monitor တွေမှာ အဆိပ်သင့်စေနိုင်တဲ့ ခဲ ၄ ပေါင်ကနေ ၈ ပေါင် ပါဝင်တယ်။ Flat-panels တွေမှာတော့ ခဲ အဲ့ဒီလောက်မပါပေမယ့်… ပြဒါးတွေ ပိုပါနေပါတယ်။

၁၄။ ကိုယ့်ရဲ့ Computer အဟောင်းကို လှူချင်တယ်ဆိုရင် Recylces.org က ပစ္စည်းအဟောင်းတွေ သုံးတဲ့ ပရဟိတ လူမှုအဖွဲ့အစည်း တွေကို တဆင့် လှူပေးပါတယ်။

၁၅။ Plastic ရေဗူးတစ်ဗူးကို Recycle လုပ်ရင် Computer တစ်လုံးကို ၂၅ မိနစ်သုံးလို့ ရမယ်။

၁၆။ ကွန်ပျူတာကို ညဖက် ပိတ်အိပ်ရင်… တစ်နှစ်ကို ဒေါ်လာ ၉၀ လောက် မီတာခ ချွေတာလို့ ရတယ်။ (အမေရိကန် နှုန်းထား)

Source: PC World, April 2008