EQ ကို မြန်မာလို သပ်သပ်ရပ်ရပ် ပြန်မယ်ဆိုရင် နှလုံးရည်လို့ ခေါ်ရမလားပဲ။ Daniel Goleman ဆိုတဲ့ စိတ်ပညာရှင်ကြီးကတော့ EQ ဆိုတာဟာ ထက်မြက်တဲ့ ခေါင်းဆောင်တွေမှာ ရှိသင့်တဲ့ ဝိသေသအစုအစည်းလို့ ဆိုပါတယ်။ ဘာတွေပါလဲဆိုတော့

မိမိကိုယ်ကိုဆန်းစစ်နိုင်ခြင်း

ကိုယ့်ရဲ့စိတ်ခံစားမှုနဲ့ စိတ်လှုပ်ရှားမှုတွေဟာ တခြားသူတွေကို ဘယ်လို အကျိုးသက်ရောက်နိုင်တယ် ဆိုတာ ကောင်းကောင်း နားလည်နိုင်စွမ်းရှိရပါမယ်။

မိမိကိုယ်ကိုထိန်းညှိခြင်း

ကိုယ့်ရဲ့ စိတ်ခံစားမှုကို ထိန်းချုပ်နိုင်စွမ်းလည်း ရှိရမယ်။ (တစ်ခုခုကို မလုပ်ခင် အရင် စဉ်းစားရပါမယ်။)

စိတ်အားထက်သန်မှု ရှိခြင်း

ကိုယ့်ရဲ့ ရည်မှန်းချက်တွေကို ကိုယ်စွမ်းဉာဏ်စွမ်းအပြည့် ဇွဲရှိရှိနဲ့ အောင်မြင်ပေါက်မြောက်အောင် စွမ်းဆောင်နိုင်ရမယ်။

ငဲ့ညှာတတ်ခြင်း

ဆုံးဖြတ်ချက်တစ်ခုချတဲ့ နေရာမှာ တခြားသူတွေရဲ့ စိတ်ခံစားမှုနဲ့ ကိုယ်ပိုင်အမြင်တွေကို အလေးအနက်ထား ထည့်သွင်းစဉ်းစားပေးရမယ်။

လူမှုရေးစွမ်းရည်

လူတိုင်းနဲ့ ရင်းရင်းနှီးနှီး နွေးနွေးထွေးထွေး နေနိုင်ရမယ်။ တရည်တရွယ်ကို ရင်းရင်းနှီးနှီး ပေါင်းသင်းဆက်ဆံနိုင်စွမ်းရှိရမယ်။ (ဒီလိုပြောလို့ မရိုးမသားတဲ့ သဘောသက်ရောက်နေပါလိမ့်မယ်။ ခင်ရင် ခင်တယ်ပေါ့။ တရည်တရွယ်ဆိုတော့…. ခေါင်းရှုပ်စရာပါပဲ။ ဒါပေမယ့် ဆိုလိုရင်းကိုက လူအများနဲ့ သင့်တင့်အောင် ပေါင်းတတ်ရမယ်လို့ ဆိုချင်တာပါ။)