လူတွေ ပျော်အောင်

လူတွေပျော်အောင် (စိတ်ချမ်းသာအောင်) ဒါလေးတွေ လုပ်ပေးပါတဲ့။

၁။ မွေးနေ့တွေကို သတိရပါ။

အရေးကြီးတဲ့ မွေးနေ့တွေကို တစ်နေရာထဲမှာ စုစည်းထားပါ။ မွေးနေ့ရောက်လာရင် မွေးနေ့ဆုတောင်း email လေးတွေ ပို့ပေးပါ။ HappyBirthday.com ကို သုံးနိုင်ပါတယ်။

၂။ မင်းကို သတိရနေတယ်။

အကြောင်းကိစ္စ တိုက်ဆိုင်လို့ လူတစ်ယောက်ကို သတိရမိတိုင်း သတိရကြောင်း email ပို့ပေးပါ။ သူသိပါစေ။ ကိုယ့်ကို လူတွေ သတိရနေတယ်ဆိုတာကို သိရတာ အရမ်းပျော်ဖို့ ကောင်းပါတယ်။

၃။ ကြီးကြီးကျယ်ကျယ် ခမ်းခမ်းနားနား အတွေးတွေ ပေးပါ။

သူငယ်ချင်းကို အားပေးချင်တယ်ဆိုရင် ခပ်မြင့်မြင့် စိတ်ကူးတစ်ခု ပေးပြီး သူ့အနေနဲ့ အဲ့ဒီစိတ်ကူးကို အကောင်အထည်ဖော်သင့်တယ်လို့ တိုက်တွန်းပါ။ မင်း စာအုပ်တစ်အုပ် ရေးပါ။ (ဒါမှမဟုတ်) မင်း ကိုယ်ပိုင်လုပ်ငန်း ထူထောင်ပါ ဆိုတာမျိုးပေါ့။ လူတစ်ယောက်ရဲ့ ဘဝမှာ အဲ့ဒီလို အားပေးစကားတွေက သဘာဝလွန် အကျိုးသက်ရောက်မှုတွေ ရှိနိုင်ပါတယ်။

၄။ ထောက်ခံအကြံပေးမှုများ (Recommendations)

ကောင်းနိုးရာရာ တွေ့ထားတာရှိရင် သူငယ်ချင်း သိပါစေ။ သူသိချင်လို့ ထပ်မေးလာရင်လဲ ပြည့်ပြည့်စုံစုံသာ ဖြေပေးလိုက်ပါ။

၅။ မိတ်ဆက်ခြင်းများ

စီးပွားရေးပဲ လုပ်လုပ်၊ အိမ်ပြောင်းလာတဲ့ မိသားစုအသစ်နဲ့ပဲ ဖြစ်ဖြစ်၊ ကနဦးမိတ်ဆက်ခြင်းက လူတစ်ယောက်ကို အများကြီး သက်တောင့်သက်သာ ဖြစ်စေပါတယ်။ လူတစ်ယောက်နဲ့ တစ်ယောက် ထိတွေ့ဆက်ဆံတယ်ဆိုတာ အင်မတန်မှ ကောင်းပါတယ်။

သိပ္ပံပညာရှင်တွေ နည်းနည်းစိတ်ပူနေတဲ့ ကိစ္စတစ်ခု ရှိပါတယ်။ ဒီနေ့ကမ္ဘာမှာ လူတွေ Computer နဲ့ပဲ အထိအတွေ့ များလာတာကြောင့် လူသားချင်း ထိတွေ့ဆက်ဆံမှု ပိုနည်းလာပြီး ပေါင်းသင်းဆက်ဆံမှု စွမ်းရည် (Interpersonal Skill) ကျဆင်းလာနိုင်တယ်တဲ့။ ကျွန်တော်တို့ သတိထားရမယ့် ကိစ္စပဲ။