ပိုချစ်ရတဲ့သူ ကိုယ်ပဲဖြစ်ပါစေ
သူတို့စောင့်ရှောက်သော်ငြား
ကိုယ်ငရဲ ရောက်နိုင်သား
ကြယ်တွေကို မော့ကြည့်ကာပင်
ကိ်ုယ်တရေးရေးသိမြင်။
မြေပေါ်မှာဖြင့်
အနည်းဆုံးတော့ လစ်လျူရှုသင့်
လူ သို့မဟုတ် တိရစ္ဆာန်ကို
ကိုယ်တို့ ကြောက်ရမယ်ထင့်။
ကြယ်ဆိုတာက ကိုယ်တို့အတွက် လောင်ကျွမ်းနေရ။
ကိုယ်တို့က ဘာမှ ပြန်မပေးနိုင်ဘူးဆိုပါရင်
ဒါမျိုးဟာ ကောင်းရဲ့လား။
ချစ်ခြင်းမတူနိုင်သော်မှဖြင့်
ပိုချစ်ရတဲ့သူ ကိုယ်ဖြစ်ပါရစေ။
အပြစ်မတင်တတ်တဲ့ ကြယ်တွေကို
ချီးကျူးငေးမောသူ ကိုယ်ဟာ
ကြယ်တစ်စင်းကို
တစ်နေ့လုံးလွမ်းနေတယ်လို့ မပြောသာပါဘူး။
ကြယ်တွေ အားလုံးပျောက်သွားခဲ့ရင်
ဒါမှမဟုတ် သေဆုံးသွားခဲ့ရင်
ကိုယ်က ဗလာကောင်းကင်ကို မော့ကြည့်ရင်း
ပိန်းပိတ်တဲ့ အမှောင်ရဲ့ခမ်းနားမှုကို
ခံစားယူရတော့မယ်။
အချိန်တော့ နည်းနည်းယူရမှာပေါ့
ပိုချစ်ရတဲ့သူ ကိုယ်ပဲဖြစ်ပါစေ
ဂျူး