ပရိသတ်ကို အောင်မြင်စွာ စကားပြောနိုင်ဖို့အတွက် အချက်(၁၀)ချက်
၁။ ကိုယ်စကားပြောမယ့် အခန်းနဲ့ ရင်းနှီးအောင် လုပ်ပါ။ ကြိုရောက်လာပြီး အခန်းထဲ လှည့်လျှောက်ကြည့်ပါ။ Microphone နဲ့ တခြားအသုံးပြုမယ့် ကိရိယာတွေကို စမ်းသပ်ထားပါ။
၂။ ပရိသတ်ကို သိပါ။ ဝင်လာတဲ့ ပရိသတ်အချို့ကို နှုတ်ဆက်ပါ။ သူငယ်ချင်းတွေနဲ့ စကားပြောရတာဟာ သူစိမ်းတွေနဲ့ ပြောရတာထက် ပိုလွယ်ပါတယ်။
၃။ ပြောရမယ့် အကြောင်းအရာကို သိပါ။ ကိုယ်ကိုယ်တိုင်က ပြောရမယ့် Topic နဲ့ မရင်းနှီးတာပဲဖြစ်ဖြစ်၊ အဲ့ဒီ Topic နဲ့ သက်တောင့်သက်သာ မရှိတာပဲဖြစ်ဖြစ်၊ ကြောက်ရွံ့စိတ်တွေ များလာပါလိမ့်မယ်။ ကိုယ်ပြောမယ့် စကား(မိန့်ခွန်း)ကို လေကျင့်ပါ။ လိုအပ်ရင် ထပ်လေ့ကျင့်ပါ။
၄။ စိတ်ကို လျှော့ထားပါ။ စိတ်တင်းကျပ်နေရင် ကိုယ်လက်လှုပ်ရှားလုပ်ပြီး စိတ်ကို လျှော့ပါ။
၅။ ကိုယ့်ကိုယ်ကို ပရိသတ်ကို စကားပြောနေတယ်လို့ မြင်ယောင်ကြည့်ပါ။ ကိုယ့်အနေနဲ့ အသံ ပီပီသသ၊ ကျယ်ကျယ်လောင်လောင်နဲ့ စိတ်ချလက်ချ စကားပြောနေတယ်လို့ တွေးကြည့်စမ်းပါ။ ကိုယ့်ကိုယ်ကို အောင်မြင်တယ်လို့ ပုံဖော်နိုင်မယ်ဆိုရင် ကိုယ်လည်း အောင်မြင်မှာပဲ။
၆။ ပရိသတ်က ကိုယ့်ကို အောင်မြင်စေချင်တယ်ဆိုတာ နားလည်ပါ။ ပရိသတ်က ကိုယ့်ကို စိတ်ဝင်စားစရာ ကောင်းမယ်လို့ မျှော်လင့်ပါတယ်။ ဒါ့အပြင် နှိုးဆွနိုင်တဲ့၊ သတင်းအချက်အလက်တွေ ပေးနိုင်တဲ့၊ ဧည့်ခံပေးနိုင်တဲ့ လူတစ်ယောက်ရယ်လို့ မျှော်လင့်ပါတယ်။ ပရိသတ်က ကိုယ်ကျရှုံးသွားမှာကို မလိုလားဘူးဆိုတာလည်း သိထားဖို့ လိုပါတယ်။
၇။ မတောင်းပန်ပါနဲ့။ ကိုယ်စကားပြောဖို့ ခက်နေတဲ့ ဒုကကို တောင်းပန်တာပဲ ဖြစ်ဖြစ်၊ ကိုယ်ရဲ့ ကြောက်ရွံ့နေမှုကို ဖော်ပြတာပဲ ဖြစ်ဖြစ် ပြုမယ်ဆိုရင် ပရိသတ်အနေနဲ့ သတိမထားမိတဲ့ ကိစကို သိအောင် ပြောသလို ဖြစ်သွားနိုင်ပါတယ်။ တိတ်တိတ်နေပါ။
၈။ ကိုယ်ပေးချင်တဲ့ Message ပေါ်မှာပဲ အာရုံထားပါ။ ကြားခံပေါ်မှာ မထားပါနဲ့။ ကိုယ့်ရဲ့ စိုးရိမ်သောကတွေကို မေ့လိုက်ပြီး ကိုယ်ပြောချင်တဲ့ အကြောင်းအရာနဲ့ ကိုယ်ပြောပြနေတဲ့ ပရိသတ်ကိုပဲ ဂရုစိုက်ပါ။ ကြောက်ရွံ့မှုတွေ တဖြည်းဖြည်း ပျောက်သွားလိမ့်မယ်။
၉။ ကြောက်ရွံ့မှုကို အပြုသဘောဆောင်တဲ့ စွမ်းအင်အဖြစ် ပြောင်းလိုက်ပါ။ ကြောက်ရွံ့မှုကို တက်ကြွနေတဲ့ စိတ်အားထက်သန်မှုအဖြစ် ပြောင်းလဲပါ။
၁၀။ အတွေ့အကြုံယူပါ။ အတွေ့အကြုံက ကိုယ့်ကိုယ်ကို ယုံကြည်မှုကို တည်ဆောက်ပေးတယ်။ အဲ့ဒီယုံကြည်မှုဆိုတာကလည်း ထိရောက်တဲ့ ဟောပြောမှုတစ်ခုအတွက် အဓိကသော့ချက်ပါ။*
*ဒီနေရာမှာ ကျွန်တော် နားလည်တဲ့ အတွေ့အကြုံဆိုတာ ဟောတဲ့ပြောတဲ့ အတွေ့အကြုံရော၊ ဟောမယ့်ပြောမယ့် အကြောင်းအရာနဲ့ ပတ်သက်တဲ့ အတွေ့အကြုံကိုပါ ဆိုလိုတယ်လို့ နားလည်တယ်။
