သူတော်ကောင်းတို့ တရားပျက်ကြပြီ။

October 02, 2013

တရားကို တေးလိုဆို၊

အဖကို သားကဆဲ၊

ဆွေမျိုးထဲက ဓားပြတိုက်၊

မိုက်ရဲလျှင် သောတပန်၊

မကောင်းကြံက သမာဓိ၊

ရွှေရှိမှ လူလိမ္မာ၊

လိမ်နိုင်မှ သစ္စာရှင်၊

ရိုးသားသူကို အရူးလို့ထင်၊

အင်္ကျီပါးနှင့် ဥပုသ်သည်၊

ဇရပ်အလည် ကို့ယိုးကားယား၊

လူဆင်းရဲက သူဌေးယောင်ဆောင်၊

အဝတ်ပြောင်မှ လူရိုသေ၊

ရွှေရှိဘုရားမှ ရှိခိုးချင်၊

ဇာတ်သမားမှ လူခေါ်ချင်၊

အပျိုငယ်က၊ လင်နေစော၊

အမျိုးကောင်းသမီးက ပိုက်ဆံရှာ၊

လင်ရှိမယားက အပျိုလုပ်၊

ဆယ်နှစ်သမီးက အိမ်ထောင်ချင်၊

ဖိုးသူတော်က ဘိုစတောက်ချ၊

အပျိုပေါက်စ နှစ်လင်ယူ၊

လူရင်းနှီးတော့ အတိုးချ၊

ခိုးဓားပြက လူလို့အော်၊

ဆယ်အိမ်ခေါင်းက စိတ်ကြီးဝင်၊

မယ်သီလက အနုဆေးဖေါ်၊

မရှောင်တမ်းတိုးတာ တစ်ခုလပ်၊

အမှန်ပြောတော့ အမုန်းပွား၊

ဥပုသ်စောင့်ရင်း အတင်းပြော၊

ခေတ်ကြီးကိုတော့ အပြစ်ဆို၊

ကိုယ့်ကိုယ်ကိုတော့ဖြင့် အကောင်းထင်၊

အလှူပေးရင်း ထမင်းရောင်း၊

မသာပို့ရင်း အပျိုလှည့်၊

သူတော်ကောင်းတို့ တရားပျက်ကြပြီ။

((နဝမ)ဗန်းမော်ဆရာတော်ဘုရားကြီး ဒေါက်တာ ဘဒ္ဒန္တကုမာရာဘိဝံသ)

Profile picture
Written/Curated by Thant Zin Oo

← Back to Blog